晚宴....越夜越瘋癲









同朝早開會同一場地，但夜晚一變身當然改頭換面。

今年攪手無將我編去悶死人既Head Table，可以同班同事坐，真係飲得杯落。
一開始先有四個打扮到CCTV老土大騷司儀既物體上台，第一次參與既Sinmei當堂目定口呆。

香港隊係第一隊表演兩分鐘既"八獸賀歲"，YY台下拍短片；老細阿John見到我既熊貓造型簡直傻眼！









之後就埋位有啖安樂茶飯喇；碗翅雖然大大梳，但就係潮式煮法，味道怪怪地。最大吉既係個甜品，竟然係一大盤白果糖水！一年之始，又有sales target要追，我講笑咁話：呢味野無人准掂！哈，真係無人夠膽食。
其他表演項目比往年失色，因為肯露肯跳既成都個主角大左肚，無戲唱；西班牙同印度舞都係中規中舉。

Sinmei有ｄbeginner's luck，抽到三獎Canon 8百萬丈數碼相機；佢人就閃左上樓，由YY代上台領獎。

見班友開始互隊貓晒，唔等人妖表演就閃返上房啦。聞說當晚開左170枝紅酒，臨尾甚至醉貓上台扔生果添呀！