師奶仆街

朝早開完webex後，收到師奶留言：

"你阿媽仆親，家陣去醫院；仔仔今朝未屙屎架，你快d返去同佢去屙啦！"

吓?!邊間醫院又唔講，唔係叫我去睇佢，淨係叫我去放狗？

響惘無頭緒下，唯有按指示去攪掂阿烏既大小便先。佢第二個口信係話急症室剛打左破傷風針，好快有醫生見，咁即係外傷唔係骨折啦(不過都仲係無交待自己響邊間醫院，平時又唔帶手提)。

放完狗樓下撞到鼻下包住紗布既梁師奶，先知原來正佢想過馬路去教堂之際，為左閃避個細路失平衡，結果當街大字型仆出馬路；當時無車真係執番身彩。去教堂坐左一陣仲懵然不知個咀腫左鼻下流血，教友提議去醫院洗傷口條友竟然諗住搭小巴，連神父都頂佢唔順結果車佢過去！！

我趕返公司開全球既視像會議時，Martha馬上問：點呀？

我又口快快地話：屙左五條。

當然比人鬧：唔係問隻狗呀!!