3年又3年

唔係無間道，而係我地響Devon House office既租約。

周旋左差不多一個月，幾經辛苦追瘦美國班大帝，終於今日個Rental Renewal通過晒班老細批左。

會繼續同"怨偶"裕利做鄰居3年。

租金呢幾年上漲左成倍，太古坊就因為好多公司嫌中環銅鑼灣貴搬過黎而搶高晒。話雖如此，但我地個division得2000呎唔夠，一搬裝修傢私搬遷費都幾十萬；點計條數都唔化算。

最大理由係：會做死!!

3年前我地生意唔差時，由睇盤傾/裝修/拉光纖/PCCW電話system/Chubb security/搬運公司Santa Fe一腳踢；我連admin都撈埋之餘忙到頭頂出煙。今日追數追到氣咳之時，再黎多獲搬office，七頭六臂都唔掂啦。

家陣塵埃落定，唔郁，謝天謝地。