威尼斯人：運河商場

雜誌介紹得最多係呢度。如果去過賭城既Caesar's Palace，或東京台場既Venus Forte，會對呢個室內人造天空見怪不怪。

商場面積頗大，雖然劃分唔同既區域，但望落差不多。樓底有兩三層高，空間感充足。

中央運河貫穿，鬼佬船家撐貢都拿時大唱Santa Lucia；最攪鬼係其中有件用唔鹹唔淡國語唱歌，大佬，你扮威尼斯呀，唔係桂林唱山歌!!

店舖就真係無乜特色，咀香園東方紅Agnes b Godiva......所以大家都拍烏蠅。唯一有間特別d既係：令Jeffrey咀藐藐既曼聯專門店，紅魔鬼天下。