Neway內的飛輪海演唱會

上晒身既阿二，撇甩老公留響香港過週末，因為唔想比佢honey知道自己"勾二佬"。

訓醒繼續喪煲飛輪海既MV不特止，嫌Youtube畫面唔夠大，索性拖埋我兩條女10pm出去信和中心Neway唱K。

話唱K，其實即係變相飛輪海演唱會。對眼又要望住汪大東個樣，邊鬼度睇到歌詞先得架，一首接一首既MV，就連分心點歌都有難度。當有大東既close up大頭時，我甚至被迫要舉機幫佢拍低，唉，到底市面上有無飛輪海MV既DVD出過呀，我買比佢唔好要我舉幾分鐘相機，好似狗仔咁捕捉一兩個鏡頭。

連人地老公奪命追魂call到，都由得部手機響到爆懶理；Tony哥，你個情敵係27歲既台灣仔，冤有頭債有主，你找佢晦氣唔關小弟事架，哈哈。