環島船河：仁王島號

食罷松島蠔，當然要黎個環島cruise；坐既係兩層既「仁王島號」，仁王島係位於松島灣的中央 , 統領全灣的島嶼。

船程大約50分鐘，1420 yen。

其實除左最突出既仁王島外，其他島嶼望落去都係差不多。反而比較壯觀既係，周遭一排排既蠔養殖排。

最趣既係船尾一直跟住大群海鷗，原來船上小食部有賣細細包海鷗零食：卡樂B蝦條(100 yen)；哇，佢地終日食埋咁多反釋脂肪，算唔算虐禽？不過話雖如此，大家都餵得不亦樂乎，因為只要用手指頂住蝦條上下兩端，海鷗就會好有默契自動飛埋黎啄中段。佢地簡直pro到，就算係用拋既，都會接得住條蝦條！