甜甜的續灘

奶奶同Annie要晚飯後先出得黎join我地，所以移師到「風月堂」黎個甜品續灘。可能中秋節大家都去左維園煲臘，少有地星期六晚唔駛等位。呢度甜品Menu整整一大本花多眼亂，比起同區既麻布茶房好得多，所以就算無阿二手持該店既8折卡，都寧願黎呢度。(不過原來網上有9折coupon可印，蠢左！)

奶奶每每去日本都不忘帶手信比我地，而且佢呢兩年差不多月月出團，真係唔多好意思；今次既係Takano既玉兔及提子造型曲奇。

我點左個"芝麻小雪山"($45)；芝麻Mousse內，藏有芝麻及香草雪糕。最出事既係底下既朱古力base太甜，搶左唔少芝麻既香味。

焗雪山($60)，芝麻芒果窩夫($48)

草莓梳打雪糕($40)，芒果雪冰芭菲($48)