反式早餐

烏烏尋日"縱慾過度"分秘物有血點，嚇到梁師奶死，隻腳拐住都帶佢入西貢Pet Central照X-ray；今朝我要高難度地拿小便(試問狗仔小便時咁低，一彎身分分鐘嚇跑佢，你話要sample小便都幾頭痕)，一早入西貢比獸醫驗尿。好彩乜事都無，亦都無腎石；只係微量細菌尚熟正常，只要多飲水同keep住observe即可。

咁早入西貢，經過平時一出爐大排長龍既"Sai Kung Cafe & Bakery"，黎個出名既波蘿包($6)同鮮奶撻($7)早餐。

自選麵包早餐(一款$7以下既麵包)加咖啡盛惠$17，唔算平。上次同阿烏經過，見到熱辣辣新鮮出爐既招牌波蘿包真係一試難忘。今次個包同撻都凍左，有點跌watt，但依然香脆可口。反式脂肪爆燈，但偶一為之，"縱慾"點又如何，呵呵。

咖啡就好淡，不喝也罷；早知散叫好過。

網上個個都狠批呢間長龍麵包舖態度奇差，但我兩次幫襯都唔覺老板娘或伙計特別差。