花市泥沼

又濕又凍，唔係一早約左Annie按照傳統凌晨去行維園花市，真係唔想出門。另一位Annie剛由Zurich開會返港，都出黎join我地，一行3人冒住寒雨兩點半入維園迫。












人多就年年如是，但傘疊傘就非常惡劣；一晚之內被隔離篤頭無數次，比往年更加寸步難行。腳下泥濘唔駛一陣就令我地對波鞋面目全非，猶如打完war game般。

乾貨都無心機睇，買唔到野。今年桃花因日前忽然轉暖而開到殘晒，水仙蘭花亦都唔好得幾多；好彩Annie早幾日去花墟攪掂左每年必買既桃花，了卻心事。

行完大運混完吉後，依舊去澳門茶餐廳食個凌晨早餐。大時大節索價$25算好合理，不過味道似乎退步左。







返到屋企仲要凌晨開機洗牛仔褲，都係買定對水鞋看門口吧。