韓式三溫暖: Cerestar Sauna

飲飽食醉，去東大門的Cerestar shopping mall樓上既Sauna黎個三溫暖。

其實只係hot bath，並無溫泉成份；但隔局就有點似台場的"大江戶溫泉物語"既簡陋版。沖身地方洗髮精沐浴露欠奉，要BYOshampoo。3個hot bath分別係39C，41C同43C；41C已經係我接受的極限，所以無跳入最熱的43C。

其中最攪野既係試左Connie推介既"刮魚鱗"活動，其實係由個韓國大嬸手帶scrubb glove黎個全身scrubb。三位韓國師奶，一聽到有order，馬上脫淨唔襯色的cheap lace內衣，嚇得我以為係mark左幾位驅風師奶出鐘添。整個過程，有如洗車，或係阿媽省個鑊d漬，千年死皮老泥到出晒黎；臨尾一盤暖水淋下，再打個肥皂臘，出黎簡直有重生既感覺。

Cerestar既介紹，可見到"洗車"圖片：http://www.konest.com/data/esthe_mise_detail.html?no=2370

重生出去個sauna室common area，見男子組已經點左韓式甜米水飲料，同埋煙薰雞蛋，有如野餐一樣；我地一於照緊。

隔離有一排紅磚洞穴，比累的人入去小睡片刻；本來洞穴可增加privacy，但有點似墓穴般，非常大吉。

試埋唔同溫度既Sauna室，由60多度到最高的78度都有，而且個個Sauna都有唔同主題：黃金，木，水晶，冰Sauna等，幾好玩。不過第一天通宵機下來就玩咁盡，大家返酒店都累壞。