手推車點心

尋日老闆之一David忽然要求帶佢去食地道點心，地方唔駛靚，最好有手推車那種。今時今日，仍有手推車的地方真係非常local，好彩近近地文化中心映月樓週末有呢家把戲。

訂左12pm的位，余經理早一點去拿位，酒店租架7人van，$600/hr (x3hrs)[車費貴過茶錢]，車幾位大佬過去飲午茶。

點心車唔會有英文，所以我理所當然地變翻譯。新老闆印度藉既Suneet家住多倫多，不時去Pacific Mall飲茶，對點心認識可能不下於中國人，利害。

食飽飽，車去佐敦裕華國貨等佢地買平價中國服，就順利完成任務，打道回酒店；好彩唔係hea咁耐，無礙我下午答應烏烏的西貢遊。