$10韓劇不用買

真係唔好貪平。

本以為韓劇$10一碟過的版本只係壓縮得比較多，所以分別只再於畫面無咁清，對一向將韓劇放second priority既我，只求睇故事劇情就無乜所謂。

但為左平，原來一碟過既後果，就係最尾一集往往忽然明顯地濛好多，同時大結局會cut掉劇情!之前IRIS結尾已經如是，一開始槍戰，下一鏡話咁快壞人已經死在地下；尋晚"美男"亦如是，臨味高潮位男主角台上大唱情歌尋找高美男，剛開始唱兩句，下一個畫面就係兩人相擁，話咁快就完晒。

拿隻碟去店問，老翻大哥竟然正氣凜然咁話$10一碟過的韓劇係有咁既問題!(又唔見$10台劇有咁情況？)真係反晒眼，instead of比多$10買隻高清版，寧願online睇埋最尾一段。下星期借比Debbie，會係一隻碟+個大結局real player download版，死未。