a la Maison

做facial後，(木星街)街尾就係港男黃長興新開的店"a la Maison"(即法文"在家裡"的意思)，入去試個lunch set一探虛實。












開門既就係興哥本人，果然親力親為；亦可想而知佢既拍戲檔期忙極有限。店內紅黑為主色，與其話係法國風，似越式法國風多點。

是日Set Lunch C餐($78)：

椰菜花忌廉湯，夠濃；不過跟湯既兩片法包唔夠香脆。主菜係香煎青衣柳伴刁草香檳忌廉汁，跟雜菜薯蓉；份量夠大，魚雖有點淡口但無雪藏味。
甜品係法式焦糖燉蛋，香滑；但杯咖啡就淡而無咖啡香。

如果係打黃長興做生招牌，總以為會地道法國一點，結果只係港式西餐。