永康：地球樹 & 維格

好多小店既永康公園附近，我當然有去(亦都唔會放過永康清燉半筋半肉麵，和前冰館家陣叫"永康15"的綜合水果冰)。

除了以往見慣見熟的店，發現行入少少有間主打賣Fair Trade物品的"地球樹"。裡面唔少印度尼泊爾非洲的手工藝品。到底Fair Trade價錢其實比較貴定平就不得而知，只係看見好玩的就買吧。

戰利品：印度造，山羊皮彩色小錢包(大NT$160，小NT$100)，和包得太好所以無拆開黎拍照的非洲曬乾仙人掌棒加入粒粒珠在內，搖動會有雨聲的小樂器NT$650)。

而"永康15"(冰館)隔壁，竟然新開左間"維格"，要買手信呢間係較方便的選擇。而且發現鳳梨酥也有line extension加入唔同口味：玫瑰，桂花等。加埋個香蕉酥，就係我呢兩日既早餐了。