水尾大閘蟹宴

生日主角Mion話有兩年無食大閘蟹，雖然已經係水尾， 臨尾幾日衝刺到新都城3期新開的"東海"黎個$280/位的大閘蟹宴：

蟹粉小籠包(兩隻)，魚翅佛跳牆，江蘇大閘蟹(每位兩隻)，生拆蟹粉蒜蓉包(每位兩件)，上湯灼時蔬，酸辣湯手打烏冬，薑茶湯丸

份量味道同水準，according to之前響灣仔食過呢個餐既阿二，差得遠!!我對拆蟹提唔起興趣，所以做旁觀者睇住佢地拆到手軟。

另外點的小菜也好麻麻：

鹽焗聖子($78)，辣酒煮翡翠螺($48)，香煎蓮藕餅($58)，客家釀豆腐煲($58)，魚湯蛋角豆腐煲($58)，蜜汁燒雞翼($28)，大馬路烤鴨($52)，臘味煲仔飯($138/小)

食物已經麻麻，天寒地凍個冷氣出風照頭吹，全程大家都穿著羽絨食飯，室內如坐街邊大排檔。