由西貢食到九龍城

下午剛睡醒，閒著無聊的Annie過黎陪我同阿烏入西貢walk walk。天氣暖兼有微風，好舒服。









未食晏既佢，先去巴士站附近的德興茶餐廳黎個late lunch：聽過但從未食過的芙蓉蛋飯(特餐$32送豆漿)，Annie的小鍋辣米粉加牛丸($30)
好耐無試過星期日黎西貢的Annie，見有咁多狗超興奮；我就掛住一眼關七護住烏烏唔比其他狗埋身。









返去放低皇帝仔，兩條女撩起條筋坐小巴出九龍城"香港回教美食館"食清真牛肉餅。呢間並唔係人龍店的那間，雖然只係隔幾間舖，但前者要在街上等22個號碼，太嚇人了。

爆汁的招牌牛肉餅($22)，牛肉湯水餃($24/10隻)，咖哩雞飯($37)。碟碟大大份，幾努力都要留下點白飯。牛肉餅最出色，肉香汁多。水餃的皮頗厚，超飽肚。其實唔駛點咖哩都夠食，所以咖哩對我們黎講就有點夾硬來了。
話飽話飽，再經過"口甜舌滑"又坐低黎多個綠豆爽杏仁豆腐($18)和蘆薈杏仁豆腐($18)。