街市魚翅海鮮餐

露姐4月底生日，約埋Amy同好耐都無見既卡生到跑馬地街市銖記黎個平民化的生日飯。雖然地點係街市，但樓底高，夠鑊氣，服務態度好，唔收加一開酒又唔收corkage就真正可愛。

用茶杯飲紅酒，有夠特別。

大家一坐低都必點既"招牌雞燉翅"($280)，大鍋兼足料；雖然算抵食，但希望大家試過就算，唔好太repeat呢味，幫忙保育被過度捕獵而嚴重影響海洋生物鍊既鯊魚。

海鮮真係一d都唔輸蝕比西貢：銖記炒辣蟹($250)，咖哩汁加洋荵同年糕。椒鹽癩尿蝦($165)，好鬼大隻的11両，一開四都好夠食。蒜蓉粉絲蒸扇貝($28/隻)。

  

金牌風沙雞($99/半隻)，沙薑雞腳($38)，椒絲腐乳通菜($38)