兩星期的相依為命

尋晚已經要睡入將軍澳，因為梁師奶今朝好早要落樓搭機場巴士，而我要幫佢拿行李上車，免得佢再整傷膝蓋。

第一天入營，放自己假同烏烏互相適應。本來諗住帶佢出西貢嘆個戶外午餐，等佢cheer-up少少，點知天公不造美，整日落雨都無乜點停過；唯有宅在家大半日，下午帶落樓下商場逛了個半鐘補數。

梁師奶雪櫃內有兩盤尋晚煮的菜，及三包未煮的菜，生怕我懶到唔落樓下買有機菜比佢個心肝仔食，但買咁多，邊度食/煮得切呀？壞左都未食得晒。

在樓下百佳入了Special K+All Bran，將會係呢兩個星期既主要食糧。