高山上的修道院

Montserrat

這是出發前沒編的行程。本來無諗過離開巴塞隆納到近郊，但有韓國同事跟老公day trip去完返黎盛讚，坐火車都係一小時左右；等團友們會合時，先建議將呢個行程加到週日。

由西班牙地鐵站Espanya出黎買了Tot Montserrat (38Euros)的套票(包了來會地鐵，火車，所有登山吊車，博物館及一餐Self Service的午餐)，趕到樓下跳上一小時一班的R5火車，我地的登山之旅開始了。一出車站往前行就係登山小火車，好方便；而且車廂係意料之外地新。
慢慢登山途中，已經開始見到一望無際的山景。一到步，襯當地人未食晏，先到cafeteria醫肚。各式小食，主菜點了烤雞，甜品是酸酸好開胃的蘋果派，加埋透心涼既當地啤San Miguel，套票包的也真不賴。