街市做冬

12月份放假+出差，整條team聚埋一齊食飯做冬，要早到9號；而且仲要唔係晚飯，係食晏!!

好多同事都無試過跑馬地街市銖記，一於去街市做冬。不過午市明顯比晚市迫好多，而且隔壁大部份都係麻甩佬。先來個粟米魚肚羹(因為我地有3個人唔食雞炖翅)，酒樓好少有得叫既豉油皇炒鵝腸。

 小菜類：椒鹽白飯魚，風沙雞，蒜香骨，蝦乾勝瓜粉絲，上湯豆苗，瑤柱蛋白炒飯。

海鮮類：薑荵肉蟹，椒鹽癩尿蝦，砵酒焗蠔，美極煎中蝦，油浸筍殼魚。