牛一海洋遊：南北極館

公司有半天生日假，自己告埋上午，同表妹到十幾年無去過既海洋公園玩了一天。海公園做既超筍推廣，生日當天免費入場，還可以帶個朋友半價；所以我地$140就攪掂了。

明知纜車多人排，一進場就趕去坐纜車過另一邊山頭。

第一個target係先睇7月中才開幕的南極館。

入館內只得10度左右，很涼；好彩有同事之前提點，穿多件風衣!南極皇帝企鵝超可愛。

南極館隔離就係北極館：班海豹。

門牙大大隻的海象，表妹的至愛!!

此行最想睇既北極雪顎，就是Harry Potter中的Hedwig!!呢個係較年青的Pearl，年紀越大毛色越白。只有在一日數次的餵飼時間，訓練員才會帶佢出黎亮相。

北極狐狸，一黑一白，大部份時間都是捲著睡覺；難得見到阿白睡眼惺忪的伸懶腰。

午餐在南極館旁的"冰極餐廳Tuxedos"醫肚；呢度有一邊大玻璃窗可以見到企鵝，中段有餵飼表演。

雞同鴨肉做的"冰極餐廳漢堡包"($128)，特濃朱古力蛋糕($58)，Pear Crumble with Jasmine Custard($58)；味道唔好有太大期望，上菜也很慢。