未有遠行的感覺

其實還有兩星期，就展開英國9天之旅；但呢幾個星期為烏烏的手術，和術後照顧忙得咩私人時間都冇。

雖然話長時間磨在梁師奶家其實都係煲劇同睇書，無咩特別辛苦嘢做，但由朝7晚10的變相"軟禁"很多旅行前的準備都未開始：唱英磅有Moly幫手，下星期要陸續網上訂入場票(網購有折扣，慳得一磅得一磅)，還要再三細看行程有甚麼違漏及影印地圖。

還未有旅行的心情呢，希望烏烏在出發前進展良好，等梁師奶一個人可以撐到兩星期。