德發長

在鐘樓附近所謂的非遺餃子宴餐廳德發長，見到有香港旅行團入去食，都知道唔會好得去邊。

在大眾點評點了一人份的餃子宴套餐，每樣一粒細細籠的特色餃子，說實在真的唔多好食。

蒸水餃和那個望落去好似好勁嘅火鍋，但其實只係煲熟幾粒迷你餃子……有點一言難盡。

最離譜係所謂文思豆腐羹，豆腐絲確實切得幾細，但同當年銅鑼灣綠楊邨比仍然好大距離。說實在豆腐本身不是名貴食材，好心放多幾條豆腐唔好咁寒酸。個湯底味道怪，飲咗兩啖直接放棄。

呢間餐廳地點幾好，門面幾好……不過再一次引證，肯接團體餐嘅，食物好極有限。