Thinkpad & 蓋鳴暉

呢兩樣野都係梁師奶既新玩具。

話說尋日佢出灣仔上電腦第一堂，都只係學吓乜野叫做bytes；連mouse都唔多識用既情況下，一放學就嚷住要買laptop。因為全班得佢一個屋企無電腦。梁少爺Martin都算唔話得，尋日岩岩放假就二話不說拎左自己新買部IBM Thinkpad比佢用住先。師奶仲積極到約左iCable聽日去安裝寬頻。好既係第日我喺將軍澳都可以上網（由其是好似上次被迫去訓左一個禮拜，做烏烏既阿四呢ｄ苦悶日子！）；唔好既係要擔心多一部腦會中毒。

之前聽過師奶話鍾意聽蓋鳴暉（真係諗都無諗過！），見最近出左2005年4月與香港中樂團合作演出音樂會，蓋鳴暉 & HKCO II既DVD，咪買隻返去孝敬吓佢。結果，今晚成晚我同烏烏都被迫做埋聽眾！其實佢只係鍾意ｄ節奏快既歌，又唔係真係識欣賞。我反而覺得老豆鍾意歌劇同芭蕾舞比較正常ｄ。