除左賊之外

呢兩朝都放假，好爽，天寒地凍唔駛咁早鏟自己起身。

下午既Focus Group除左Martha外，Daisy & Michael都跟埋去。其實唔會成日比成10萬做呢類型consumer research，去見識吓都好架。Martha入左黎３年多都係第一次去；我就去過幾次喇。最頂引都係launch inTOUCH Condom之前搵ｄ麻甩佬返黎做；問到用緊邊隻牌子時，有位仁兄好自豪咁講：我用戰神既！！哈，用富力士既真係答得細聲ｄ架。

今日呢組最精警係有個師奶講到點解咁抗拒鈣片由大陸做時話：我老公話大陸除左賊之外，乜野都係假架！！！笑到我地差ｄ噴出黎。

Daisy本來放工要去學太極，因為覺得太過引，決定留埋6:30pm第二組聽埋。