同姑姐姑丈晚飯

佢地長住Texas，姑丈係兒科醫生，姑姐同我一樣係藥劑師。姑丈早兩年發現肝癌；電療後本來有好轉，而家已擴散到肺部。今次返黎除左參加舊生會，另一個目的就係睇Daddy以前既主診醫生范上達教授。雖然我覺得作用唔大，因為范教授係肝臟外科，但姑丈呢d擴散既case，要做化療至得。

梁師奶好唔鍾意姑姐。但親戚上頭，唔通真係食餐飯都唔得咩?!佢扭計咪搵著我黎攪。

同埋ｄ堂大佬，堂妹佢地去跑馬地三C木球會（Craigengower Cricket Club)食飯。嗰度一樓中菜庭ｄ野幾平，而且坐得舒服。成餐飯我夾住喺姑姐同梁師奶中間，盡量帶佢地遊花園囉。平時拜山都好少咁齊人。

姑丈精神大不如前；同時藥物反應令面部皮膚起rash，有ｄ嚇人........可能係我最後一次見佢喇。