藉著雨點說愛妳

可能好多人已經睇左，未睇既推介值得買返去睇。









上年既電影，點解而家至買黎睇？我純粹因為中村獅童。

近年已經好少電影我會覺得感動，尤其是最尾女主角日記自白一段，真係有ｄ眼濕濕架（熟悉我既朋友都知道呢樣野係好少會發生既我身上）。

女主角20歲時一次車禍無意中去左9年後，得知自己同長久以來心儀既中學同學結婚生子，有一個幸福家庭；但原來自己一年前已經因病去世。佢就喺梅雨季節的短短６星期，三個人不可思議地再次共同生活。二度墜入愛河的兩夫妻，二度重回母親懷抱的小童.........雨季即將結束，一切漸漸劃上句點。

女主角醫院醒來，明知如果同心儀既男主角結婚，自己只有8年既幸福就要死去。如果選擇另一條路，未必只有28歲命。但佢都決定奔向男主角，為左唔想失去自己認為最寶貴既野。

有幾多人會將愛情放在自己生命之上？

電影 Trailer:

http://www.scholarfilms.com.tw/ima-ai/