第三場，漸入佳境

依然係山頂。本來唔諗住睇第三場，所以一早無撲到飛。今次同阿丁，佢個妹&琪琪一齊坐。

Charlotte今次坐好前，所以借左個望遠鏡比我。我同阿丁差不多成晚都拿住部望遠鏡，好似米埔觀雀咁望住佢地4個(當然我既視線會集中在阿旭度啦)。連阿V既8舊腹肌都一清二楚!!

言生自加左請個觀眾上台，拖住手唱歌呢段。個肥妹驚到唔多識行咁滯；之後仲雞咁腳走返落去，好好笑。

聽日就係last show喇，會坐$480(終於)；期待亦同時唔捨得，因為應該唔會再有F4 Concert。