Carmen慘遇寶"飛"黨

睇警訊d阿婆遇寶藥黨被騙財就見過，誓估唔到Carmen呢排黑仔得咁緊要，為左幫我地撲演唱會飛慘遇寶"飛"黨！！

F4 Concert頭兩場，每場20張d錢條友一直拖；而家佢同表妹都未追得返。條數成皮有多，又唔敢迫得太緊，驚個八婆連電話都唔聽就大X鑊喇。Debbie搭既陶喆飛都凍過水；佢到而家都收唔到飛，又要過番水比Debbie。

側田本來係through佢老細另外一個朋友囉，但都唔知係唔係黑成咁，呢邊都係無晒聲氣。雖然佢老細話有乜事佢負責，唔駛Carmen蝕。我同奶奶唔睇事少，點樣搵兩張飛比Damon事大！！結果下午再嘗試去唔同途徑撲，終於多得Daisy姐挖到兩張$200；雖然要蝕手續費，但都好過失信於Damon呀。

幾場演唱會落黎，令Carmen同佢表妹死咁多細胞。佢地都係本來一心幫人，而家可能連錢都追唔番。呢ｄ情況，報警都無用。唔通真係要聘請收數公司幫手追？！