蓮花杯

話說今日Martha落樓買野，我順手叫佢幫我買個"蓮花杯"。個傻婆去7仔個雪櫃搵左好耐，以為有一種雪糕上面寫住"蓮花杯"!!! 又唔好意思問個收銀。結果買左條Walls雪條比我頂檔。

結果下午引發起既話題係：

1。是否淨係牛奶公司d杯裝雪糕至叫蓮花杯？
2。點解以前的人叫雪糕做蓮花杯??

我成日以為呢個terms only applied to 牛奶公司（因為真係唔知細個時仲有第二間出杯裝雪糕）；後來經YY糾正，所有牌子都叫蓮花杯架。以前仲有隻叫寶寶雪糕添喎。

至於第二個問題，識答都好弊，反影左你年紀唔細 :p 。

網上得出比較似樣既答案係：

蓮花杯係指細細杯有紙蓋既雪糕產品，因為當揭開杯上紙蓋，就會見到紙蓋上沾左ｄ雪糕，圖案就好似一朵蓮花咁，所以咪叫蓮花杯囉～～