同學仔聚會

差不多成年無見既大學同窗Cedric。

佢讀完藥劑，再轉讀法律；家陣響金鐘既律師行專做知識產權既case(即我千祈咪提BT，哈哈!)。本來份工已經要周圍飛，早兩年生埋仔之後就更加少出黎聚。佢同Gigi兩個為人父母既大忙人，加埋Connie，Annie同我3個單身寡女，好難得約到坐埋一齊食餐飯。

因為各自帶小朋友黎，地點揀左坐得舒服d既世貿「祿揚邨」。

下午有點心紙，價錢平過晚市。但水準一樣咁掂。

3個分別兩歲(Allisteir)、四歲(Carton)同六歲(Carin)既細路，一埋牙就玩熟。再過多幾分鐘仲會爭玩具添。不過起碼佢地算斯文，唔會好似我當年拳拳到肉咁同細佬開片。

個個做父母既，對著ｄ細路講疊字都算喇(我對住阿烏都會講)，不過佢地個個都硬要夾雜住ｄ英文單字落去先令人費解。專家唔係話半中半英反而會令個細路混淆，影響語言能力既咩？

Cool Slideshows