淡水老街

黎過4次喇，坐捷運淡水線到尾站即到；都係半個鐘左右，仲快過中環入荃灣。一步出站口，已經見到周圍都有唔同口味既鐵蛋。

星期日周圍都係人，雖然有ｄ逼，但老街兩傍既小食檔相對亦比較多。

真係花多眼亂，我地"只係"試左：烤鵪鶉蛋串，「黑橋牌」迷你腸串，梅味勁重既「阿媽的」酸梅湯，當地至有既"海石花"加檸檬汁。

海石花係當地一種海底植物(見圖)，本身無乜味，用黎做左喱哩後再加酸酸既檸檬汁吊味；據講可消熱，降膽固醇喎。












見到我前臂一樣咁長既烤八爪魚鬚，太嚇人唔敢試；哇，條鬚都有咁長，個頭咪同我一樣大？！