誠品

台灣人真係好鬼鍾意睇書。雖然我每次黎都唔會點買書返香港(怕重，而且香港既開益書店價錢相差唔遠)，但勁enjoy去誠品打書釘。









地方大，書架與書架之間極寬敞；而且佢地會好大方地周圍設有梳化比人公然打書釘。我都唔知佢點為本。

就算人多，店內都好似圖書館咁靜。好似有不明文規定，人人都唔會喧嘩。

誠品信義店係7層樓高既旗艦店，樓下有商場同food court添。逛幾粒鐘都逛唔完。

Connie同Jeffrey都頗好睇書，我見佢地差不多每次步入書店都有收穫；我諗第一次黎台灣既Jeffrey，返去會頗懷念誠品，金石堂同Page One。

我自己只買左本Stephen Clarke既"Merde Actually" (係講英國人住巴黎，雙方文化格格不入既趣事；呢本係第二輯)；反而毫不客氣地打書釘刨左幾米既"藍石頭"同新書"戀之風景"。