網上有緣人

近排真係入戲院睇多左戲。家陣換左東亞卡有折，同4月底前網上訂UA戲飛免手續費，都係鼓勵我搵戲黎睇既原因。

仍然係Annie，仍然係UA太古城；9:50pm。

典型鬼佬愛情小品，唔會有乜大場面，亦都唔會有乜感動位。只係柴娃娃咁入去hea個多小時。無靚仔，純粹睇個中女Diane Keaton由頭帶到尾；佢似乎對呢類型戲種真係樂此不倦。

其實套戲真係鬼佬版既「家有囍事」，無聊誇張。由頭都尾都係個發老姣阿媽點樣造就個籮底橙既女一腳踏兩船，最後咁都可以修成正果。