夢幻女郎

約左卡生去AMC Pacific Place睇7:10pm。

感覺上係一套黑人版既「我和春天有個約會」。都係講3個立志要做歌星既女仔，一夜成名後因誤解而鬧翻，各自經歷唔同既人生；浮沉多年，最後臨別響舞台懷勉一番，歌訟"友誼萬歲"。

全劇最搶係阿巨肺肥婆Jennifer Hudson做既女配角，由頭聽佢好用力咁唱到尾。如果唔係卡生話我知Beyoncé 先至係女主角，我真係估唔到擔戲咁重既肥婆只係算配角。









故事背景係美國60年代，個look非常懷舊。黑人音樂我唔係太識欣賞，ｄ歌亦都只覺一般。如果以歌舞片黎睇，我會比較鍾意Chicago or Moulin Rouge。當故事黎睇，點都唔會悶同無乜冷場囉。