瑪麗皇后

早排同Connie都想睇呢套，但港島區得IFC有得做，結果拖到落畫都未睇。

回程機上終於睇左。

有d失望，只係平舖直敘Marie Antoinette既生平；點樣由奧地利公主在政治婚姻下，下嫁法國路易十六，面對深宮的寂寞，唯一的發洩方法是夜夜笙歌、盡情享樂。

最經典對白：
大臣話比瑪麗皇后聽，宮外既巴黎人窮到麵包都無得食，窮奢極侈既佢就天真地話：咁咪叫佢地食蛋糕囉!!

皇宮既勾心鬥角野，同佢所謂既奢華揮霍無道，都刻劃得唔詳細。論深宮怨婦，「黃金甲」既鞏俐姐姐悲慘好多。

最後都有講法國大革命，但只係見到佢地兩公婆落難棄凡爾賽宮逃亡，無講到最後呢兩位被送上斷頭台既下場；唔明白點解唔跟歷史整死佢地呢？