又係「囍點」

我真係發覺通常食開某間幾好既飯店，就會有一排頻頻去，直至自己生厭為止。

提議同廖太們去「囍點」既係阿二，因為上星期佢晚市去過話幾得，所以今晚大家早少少，7pm就去到囉位聚一聚。

5條女掃左：沙拉蝦球，豉蒜南瓜魚塊，花雕龍崗雞件，籠仔野菌雞柳蒸河粉，薑米牛柳荵花炒飯，豆豉蝦膏炒通菜，一壺例水五味果煲魚，甜品再整多個芒果椰果涼粉。

小菜味味都幾有水準，係個菜鹹左ｄ，同甜品份量細就敗筆左少少。

門外永遠一堆人等位，一晚保守估計可以做到3-4輪客；咁既位置閒日都有咁既生意，真係出面好多酒樓都未必得！