梁師奶領堅振
上左大半年募道班，梁師奶今晚終於都領堅振。個彌撒傍晚6點開始，地點當然係佢去開既坑口聖安德肋堂。
你問我想唔想去？個心就梗係唔想啦。但如果呢d重要時刻都唔出現支持吓，梁師奶睇怕都會嬲足我成年！

好彩今次個禮堂夠大，有得坐。就算要元神出竅都唔駛罰企咁辛苦。而且個儀式"只係"個多小時，比上次跑馬地樂活道教堂好好多。
"捱完"成個彌撒，都識做地幫師奶同意大利藉既施神父，同Godmother兼教友Gaile合照。

真係比足面啦。