譚仔記

早前卡生答應當嚮導，帶我同阿丁黎個深水埗一日遊。12點就由高登出發。

大家都未食野，先去卡生個blog度推介既「譚仔記」黎個麻辣雲南米線。

小辣都分五個程度，我就叫左個4小辣(即尾二唔辣)加墨丸腐皮；試左卡生既1小辣都已經覺真係幾辣喎。唔知中辣或大辣ｄ人點食得落。米線好彈牙，唔似坊間有ｄ煮得太稔。不過份量太大碗食唔晒有ｄ可惜。

另外叫左蒜泥白肉同土匪雞翼，都幾美味。卡生唔知我唔食韭菜，仲叫左成碟，當然我係掂都無掂過啦，哈哈。