真係有咁筍？

同事Michael所到之處，不時有"狂風浪蝶"撲埋去，我都時有所聞。上次東莞開年會，快餐店內大陸妹埋身兜搭，結果要Daisy扮佢老婆解圍場面我走寶睇唔到，今日終於都有幸見識。

食晏落樓下一橫行內小館，年青女侍應一見到Michael已經特別多野問佢。本來都唔太著跡，最頂引係食飽出門口時滂沱大雨，余經理隨口問人地借遮，結果條女囉住把遮唔係比余經理，而係直撲Michael處：你拿去用啦，下次落黎食飯先比番我囉(雙眼閃耀住烏烏望媽媽式既傾慕眼神)

Debbie忍不住問我：條女係咪對Michael起痰？
我：唔駛審啦。

下午既屈臣氏Summer Gala"比面派對"，有最特出衣著選舉；結果因為投票既多數係女士，余經理打電話返黎話Michael以大熱姿態當選亞軍，獲雙人韓國旅遊；我地簡直有d目定口呆.......真係有咁"筍"？

共事5年，日對夜對，佢喺我眼中就只係額頭鑿住"forecast"呢個字，皆因佢係負責做每月sales forecast既人。真係有眼不識泰山，哈哈。