廖太@藍納泰

去澳洲風流快活左兩個多星期既奶奶終於都返左黎。龐大既11人廖太聚會，今次選左Lanna為我同Annie一齊慶祝生日。
初初比張好難傾偈既長枱，好彩後來醒半開放式間隔內既大圓枱比我地；雖然樓底太高有ｄ回音，但起碼大家都望到大家。

清邁乳豬，大蝦柚子沙律，炸蝦蘋果絲沙律，黃咖哩蝦球，青咖哩豬肉，芭堤雅燒餅，炸軟殼蟹米紙卷，“包羅萬有”炒金邊粉，海鮮炒粉絲，泰式海南雞，鹹魚炒通菜，雜菌炒椰菜苗........最敗筆係臨尾等左好耐既一味燒鯖魚，一放落黎已經聞到陣陣腥味攻埋黎。