探病

堂大佬簡直好似受咀咒咁。兩年多前堂大嫂子宮癌40歲就過世，去年佢阿媽就患末期肺癌(好彩而家仲健在)，今日得知佢老豆即我五叔，剛從溫哥華返港就因氣促入左律敦治急症，初步段定有輕微心臟衰竭。

等梁師奶去完outing，我約埋佢殺上醫院探訪。

五叔一個人食緊女婿買黎既粥點，精神唔錯，瘦左一個碼。我都睇怕係有家族遺傳心臟病架啦，除我老豆外，大伯二伯都係心臟病死；四叔五叔亦係嚴重心臟病患。

患癌既五嬸因為身體虛弱，出入要輪椅代步，所以無法探望。

梁師奶一年多落黎既義工訓練，令佢對住五叔都好pro咁安慰之餘不忘傳教。睇黎師奶都係有練過的噢!!