Gastronomic Tour wif 余經理

今晚夜機返港，所以酒店check out後就帶余經理喪食左半日。

Skip左早餐，都係為左留多少少quota去台北101內既Wasabi食lunch buffet。今次既主題係纓花蝦，我個人就比較欣賞鮮甜既雪場蟹粥。Buffet既好處係各式其適，那怕你更咀刁，都餓你唔死。
坐捷運去龍山寺陪佢買自稱真材實料，只此一家既「李錦利」八仙果，再過去西門町飲白玉苦瓜蜂蜜，同必買既「老天祿」鴨舌/鴨翼。週末西門町，當然會遇見某d偶像宣傳，同一眾追星族聚集；雖然我唔認識呢幾位兄台，但都知道應該係宣傳而家播既偶像劇"硬柿子"。
哈，食完buffet唔夠2個鐘，「永康牛肉麵」+「冰館」就等緊我地!!平時酷愛清湯腩既余經理，當然牛肉麵會覺得非常appealing，牛肉既鬆化程度，係筷子差不多一夾就散。食冰當然係我硬加既項目啦。
坐酒店limosine去機場，跳得上早一小時7:20pm班機。連我都飽到食唔落飛機餐，余經理竟有本事隊晒之餘，夜晚即約晒班親戚再隊鴨翼.......佩服.......唔通佢都有練過的嗎？!