綠揚邨

長週末，約左廖太們出銅鑼灣世貿綠揚邨食晏。

呢度又係午市比晚市平一大截。最欣賞係佢既梅菜包同荳板酥，唔係一般上海菜館都有供應；小南國同王家沙就無喇。

其他既點心都做得幾好，不過碟頭細，食完滿滿一桌都唔會好飽：小籠包，黃橋燒餅，蘿蔔海哲，涼拌茄子，素鵝，醉雞，上湯百葉勝瓜，上海炒年糕。

飯後全靠奶奶既face，送左碗賣相普通，但食落超滑既豆腐花。

今日b仔最後買野有double points，所以飯後我同奶奶都響百德新街b仔旗艦店再"相遇"，哈哈，大家都去掃一掃貨。