叛諜追擊3：最後通牒

最後一套Jason Bourne系列電影。睇過頭兩集既人，多數唔會錯過。

雖然打風原本既戲腳Ebby甩底，我有佢無佢，風雨無阻都會入場睇。

10:30pm UA皇室。

基本上兩小時可以話無乜冷場，飛車追逐，飛簷走壁，聲東擊西，埋身肉搏樣樣齊。仲差不多帶你遊遍半個歐洲：俄羅斯，法國，英國，西班牙，甚至北非既摩洛哥。

麥迪文演既失憶特務Jason Bourne，簡直比James Bond更好打，而且唔好女色。雖然對一直想殲滅佢既CIA，結果點收科有d草草了事，但最緊要係中間追與被追既過程。