母子壽包
巢大小姐走無耐，卡生就捧住大籃東海出品既母子壽包上黎。

(今日咩日子？莫非個個都誤會我8號生日？！)

恨食呢款壽包好耐，一個巨大壽包裡面包住個個小壽包.......阿二佢地話肉酸，但真係好少地方有得見。




東海既個個都如拳頭般大，內有原隻漏油鹹蛋黃，裡裡外外共16個！整個set up用大藤籃盛載，非常壯觀。
咁有心，肥死罷就，立刻就地消滅一個。分埋比YY同對面臣哥(俾佢既"一對"壽包，因太似女人個胸，害佢比Recep笑到面黃)，聽日帶埋比梁師奶同細舅父，我今個禮拜既早餐，都會係壽包、壽包、壽包.......

多謝卡生。