變形金剛

風聞呢套戲評價好好，所以捨Die Hard 4揀左呢套同臣哥睇。我3:30pm自覺地打去提供叫床服務時，佢都好醒目一pick個電話就話：醒左啦!!

4:30pm AMC太古廣場。

因為前兩日一早就電腦訂飛，所以全院滿座既情況下都有後排中間靚位；以臣哥既高度，加上佢永遠gel得咁行既頭，唔坐最後會比後面小架。

全套戲只得一個賣點：CG特技。

故事完全係鬼佬漫畫feel，一樣既大美國主議，永遠外星人襲地球都係發生響美國，又永遠有美國總統或高官跳出黎幫手，最後就係美國佬成功拯救整個地球；美國萬歲!!

呢類戲對鍾意視覺既臣哥會鍾意，我都係比較喜歡鬥智鬥力間諜片。

期待下星期上畫既第三輯Jason Bourne。