不能說的．秘密

下午放假，同Charlotte出銅鑼灣睇呢套今日剛上畫既電影。

UA時代廣場，5:30pm。

入場既原因純粹為左周杰倫。

場景係佢本人既母校：淡江中學。真係諗唔到佢可以將淡水拍得咁有味道，尤其是個雕花古木鋼琴，真係懷疑當年周董是否有彈呢個琴，定只係戲中道具。

佢既琴技，戲中不時show off係預左架啦；不過佢同女主角個樣，要扮高中生真係有d勉強。女主角桂綸鎂唔算靚，簡直係後生版甄楚倩。黃秋生仍然係演周杰倫個老豆，戲中不時都係佢攪出d笑位。

以為係淡淡校園小品，點知中段故事忽然向鬼眼+隔世救未來既方向發展；攪出個令人意外既結局。

此片令人有d喜出望外，加上拍攝得靚，值得入場。