兩條女撐枱腳

本來約左卡生，Ellena同佢朋友阿谷放工去飲野，結果阿谷病左，卡生又下午以公事為名，閃左入機場偷懶，結果instead of改期，我同Ellena飛甩佢地照食飯。

匆匆忙忙訂左時代廣場「藍納泰」。





兩個人唔敢叫太多：大蝦西施柚沙律，三文魚粉絲米紙卷，黃咖哩鳳尾蝦(可惜已經無左燒餅)，同埋味道有ｄ怪既椰香水晶糕。









話題都係圍繞住工作同人事，雖然我倆唔同field，但又唔可以話完全無交集，所以唔難理解。

襯尚未到9月中，去將軍澳"入營"前，真係要多ｄ出黎見朋友。