一班金魚Auntie
廖太幫奶奶慶祝生日，為左就我兼探阿烏，佢地拉大隊入黎將軍澳樓下商場「客家好棧」食飯。

奶奶同阿丁先上黎坐左陣，阿烏一見到有訪客，表現有d興奮。今晚真係勁熱鬧，連好少蒲頭既阿大貓貓同阿寶都黎到，再加埋奶奶個女，一行十四人浩浩蕩蕩。

因為實在有太多"姨姨"要探呢個皇帝仔，我把心一橫，用手推車偷運阿烏入酒樓。












好彩放響角落唔多起眼，加上人多地方噪雜，個衰仔吠都唔係太覺。

一餐飯落黎，個個都話我簡直似d推住BB車既師奶，不時要分心安撫個好奇兼發出不耐煩聲音既死仔包。

餐飯真係把鬼，除左鹹，都仲係鹹。"大班兩味"先係太鹹食唔落口，整過碟又太腥(唔通係魚唔新鮮至要醃咁鹹？)埋單仲要自己出去reception比錢，大佬，堂堂稻香集團酒樓，你估茶餐廳咩！！